Balearic beat

Balearic beat
Oríxenes musicales	House, electrónica, europop, post-discu, italo house, música mediterránea, deep house, bossanova
Oríxenes culturales	Finales de los 1980, Islles Baleares,  España
Instrumentos comunes	Sintetizador, caxa de ritmos, secuenciador
Derivaos	Balearic trance
[editar datos en Wikidata]

Balearic beat o Balearic house (dacuando llamáu Eivissa house) ye un xéneru de música electrónica carauterizáu pol so eclecticismu y pol so soníu hedonista, que surdió escontra mediaos de los años 80. Más palantre, esta denominación pasó a sirvir pa clasificar el tipu de música popular nes raves y fiestes en clubes d'Eivissa, nes Islles Baleares.

Suélense atribuyir los entamos del Balearic Beat escontra 1987 a los DJs británicos Trevor Fung, Paul Oakenfold y Danny Rampling al visitar Eivissa, onde afayaron les fiestes al campu na sablera de "Cafe del Mar" y la discoteca "Amnesia", onde pinchaba'l DJ arxentín Alfredo Fiorito, DJ residente dende 1983 y quien creó esti particular estilu entemez de rock sicodélicu, europop, italo discu, los primeros discos de Chicago house y deep house según rareces d'autores como Peter Gabriel y Chris Rea. Tou ello con un ritmu marcáu ente 90 y 110 BPM. ^[1]

1. ↑ «https://rateyourmusic.com/genre/Balearic+Beat/».